Zun, Zee en gain strand in Delfsiel
Kattegejauster
Vieftig
Zun,
zee, .....
Camel-Trophy
Home -> index
De
zunne weerspaigelt zich in ’t wotter van de Eems
en de waarmte van de dag verwaait in het oavendrood.
Zummer
2004 in Delfsiel.
Het
joar van ’n hittegolf in augustus.
Het joar van de bommen en grenoaten op ’t straand van Delfsiel.
Wel kin
et zich nait heugen.
Begun augustus, smoorhait weer.
Jobke
Nainhoes en Derk oet Termunten hadden ‘t op TV-Noord al over ’n
hittegolf.
Met dat soort treupische temperaturen denk je aan ’n overvol straand.
Mensen
dei met ’n koeltas en ’n parasol verkoeling zuiken bie diek. Moar niks is minder woar.
’t
Halle zoakje, ‘t strand van Delfsiel, is op last van de gemainte mit
grote dranghekken oafsloten.
Tiedens de Pinksterfeesten, je willen het nait geleuven, is der ‘n
grenoat oet de tweide wereldoorlog vonnen. Wellicht et de organisoatie van
de Pinksterfeesten doacht;
“Kom loaten wie der dit joar moar ’n feestelijk tintje aan geven”.
’n
Beetje extra dieverdoatsie, doar kieken de mensen wel noar oet. Noa ’n
haal joar, dat d’r gain
sodemieter te doun is, binnen de Pinksterfeesten veur de mainste
Delfsielsters ’n oardig verzetje.
In de
tied van “Fear Factor” en “Jack Ass” hebben de slipjassen van de
Pinksterverainen maint om
d’r dit joar wat meer spektoakel in te brengen.
We verstoppen ’n grenoat of twei in ’t zaand en din moar hopen dat dei
Duutse gast-parachutist
precies op ’t kruuske laand. Loaten
we moar zo zeggen: ’t Was toch ’n mooie klap op de vuurpiel
west as et hom zol lukken. Heloas
‘t mog nait zo wezen.
Moar as
e wel op de roos terecht kommen was, din hat e so wie so ain veurdeel
had…….,
’n koele had e zich nait meer huvven te groaven.!
Moar
alle gekhaid op ’n stokje, nou even serieus.
Dat geintje et ons als gemainte wel oardige stuver kost.
Kwart miljoun………244doezend euro.
Deurdat
dei zoak gelukkig vanoet de overhaid subsidieerd werd bleef d’r moar
97doezend euro over.
Veurdat bedrag was d’r al vlot ’n aannemer oet Vraizenveen vonnen.
Boeten
dat koste het loaten exploderen van de grenoaten ook nog geld. Doezend
euro per knal
et de EOC, de Explosieven Oproemings Commando),
der veur rekent.
Wat dat betreft binnen ze in Delfsiel weer nait slim genog west. Ze hadden
dei twei grenoaten net
zo goud mit het vuurwaark van ’t volgend joar Pinksterfeesten of kinnen
steken.
Dat had weer twei rooien scheelt.
En din nog 18.000 euro veur het aofzetten van ‘straand mit dranghekken.
Nou volgens mie hebben ze nait allain strand van Delfsiel aofzet,
de gemainte ook nog ‘ n poot oet.
Moar nog even terug te kommen op dei
97.000 euro.
’t Is een hoop geld, moar din hep
je ook wat……want ’n gecertificeerde aannemer
kloaren veur 50.000 euro, dat kon ja nait goud wezen.
dat dei duurste, der ook drei keer langer over mog doun. Zeker as we noar
de periode kieken, din
hebben ze volgens mie ’t zaand wel drei keer zeeft.
werd strand van Delfziel weer bomvrij verkloard.
Zwembad
was d’r ook ja nog.
Wel gain openluchtbad, mor bie dat snikhaite weer is ’n overdekt zwembad
gain bezwoar.
Din bin je bliede mit alles wat moar ‘n beetje nat en vochtig is.
Ain of aandere malloot et het bedoacht om ook et zwembad moar dicht te
gooien !
Groot
onderhold zeiden ze............
Nou ze kinnen mie haal wat wies moaken !
Moar ain dei ‘n beetje verstaand et, dei sloet nait et zwembad tiedens
de schoulvakanties en
zeker nait midden in de zummer.
Vroagst
die toch oaf wel zo iets kin bedenken.
Nou schient et dat Wetholder Harrie Houwerziel tevens bestuurslid is van
’t Aquariom.
Vrouger had dei ‘n zoak in “vaarf
en behang” in Delfsiel…..
had hai toch beter motten waiten.
dood van ’t dak vallen…………….., das vroagen om moeilijkheden !
Moar
Harrie zol wel doacht hebben; “dei subsidie kinnen wie goud gebruken”.
Nou volgens mie
was
e even vergeten dat e de subsidie allain moar kin opstrieken in de
wintermoanden……
Beter had e ’t zwembad open kinnen
loaten.
’t Geld van de extra touloop deur
het waarme weer haddenze best kinnen gebruken.
As ze nou nait oetkieken din hoalen ze de winter nait met dat
“financieel noodliedende” Aquariom.
Ach, net zo as het schoonmoaken van het strand, zollen wie as “ et gewone volk” der wel gain
verstand van hebben.
“LEKKER LEVEN
AAN ZEE”
was der dizze zummer nait bie,
dei was ver te zuiken.
Prugel©mrt ‘05