VERHOALEN

Vieftig.....!

Kattegejauster
Vieftig
Zun, zee, ......
Camel-Trophy
Home -> index

     Denk d’rom, VIEFTIG................... !!

  Mien vrauw attendeert mie altied op mien snelhaid wanneer we in “Daam” rieden.
“Attendeert” klinkt een stuk vreundlijker dan dat et in werkelijkhaid goat.  
 As mien vrauw vieftig raupt, loat ik as de mieter ’t gas löss en veur de flitspoal
 zit ik keurig - op de kop oaf -  op vieftig.

Doarnoa kin’t gas d’r weer op.
Op noar Grunn, dag noar Stad tou.

Wirdum, Winneweer aan de rechterkaant en bie Ten Post ist eben weer oetkieken.
Hier denk ik d’r zulf altied om.

Gas löss, trugschoakel’n, beetje bie remm’n en mooi met zestig deur Ten Post
en doarnao kin d’r rustig weer ’n klain beetje gas bie.

          RUSTIG.... !!.... ??

Nait elk en ain denkt d’r zo over, waant inains komt mie d’r zo’n leegvlaiger veurbie scheur’n.
Zo’n wit “golfke” met zo’n gozertje drin met ’n baseballpetje achtersteveuren op zien kop. 
Dat “achtersteveuren-baseball-koppie” verdween met noodgang oet ’t zicht.

Moar bie de stoplichten in Ten Boer mag je drei keer roaden wel d’r veur mie stoat….

Joawel !!  Dei witte wegracer met de pet verkeerd om op de kop.
Kiek zegt mien vrauw; “Hai is d’r niks met opschoat’n.
Joa dat zug ik ook wel, zeg’k vergreld.
Moar et aargste is dat dat soort gasten nooit ’n bekeur’n  krieg’n.

Ongemaarkt geef’k ook wat meer gas. Ik roak wat opgefokt van dei gast veur mie.
Strak kiek ik noar et rode licht en vervolgens noar et race-oetloatje veur mie.

Licht springt op greun !!  Hai scheurt vot en ik d’r achteraan.
Hai sloat echter mit gierende banden rechts oaf.

Ik broes rechtdeur  en met viefenzestig op de teller flitst et mie in de ogen in de achteroetkiekspaigel.
Mit de stirretjes nog in de ogen vervleuk ik alles wat denkboar is.

Mien vrauw zegt wieslijk niks, moar ik heur heur denk’n;.......................... “VIEFTIG”