Boeren bonte bloumen…..

                                                                        Stoan in schaar van n grote rooie beuk bie de boerderij.
                                                                       Vrouger n vertraauwd gezicht, zo’n grote hortensia bie de veurdeure.

                                                                       Je waiten wel, met van dei grote geurige blaauwe bloumen.
                                                                       Veul zug je ze nait meer.
  
                                                                       t Zol wel kommen dat der veul veraandert is in t boerenbestoan.
                                                                       Nait allain op t laand, moar zulfs bie de veurdeure.
                                                                       Kom je nou bie de boer aan de deure din zegt e gain “moi” meer,
                                                                       moar wor je begroet met “high” (spreek oet als “haai”).
 
                                                                       t Schient dat dei grote blaauwe bloumen
                                                                       nogal in trek binnen bie de gebrukers van n joint en de paddo’s…….

                                                                       Ach zegt de boer; “t Is n kwestie van met joen tied met goan”
                                                                       Vrouger deden we nog veul in blaauwmoanzoad,
                                                                       moar tiggenwoordig liggen de hortensia’s beter in de maarkt……!!